تـــعـــلـــــم الــــحــــلـــــبـــيــــة

من طرف زهد الحياة السبت يناير 17, 2009 4:59 am

بســم الله الـرحمــن الرحيــم

السلام عليكــم ورحمـة الله وبركاتــة ،،

يا جماعة ، اليوم خطرلي أنزل موضوع عن الحكي الحلبي
باعتبار نص الخلئ ما بيفهمو على الحكي الحلبي وبيعترو انو هالغة صعبة لنها غنية بالمفردات ( الغريبة ) والمدري اشو

قررت أنو اجيب كم مصطلح وهيك شغلات مشان أعرفكون على لغة محافظتي الأم وخاصةً أنو انا من بــــاب النيرب وإلي الفخر

المهم

منبلش

* عوجة = كوع
* سيوي = دغري = إلى الأمم
* أنضرة = كندرة = حذاء
* تاسومة = السكربينة ( ما بعرف أشرحها أكتر من هيك )

* دوينات = كفوف
* لاصطيكة = مطاطة
* مصراط = مصاري
* خوتة = معه صرع
* جدبة = مجنون و على فكرة بتنقال اللرجال و المرأة
* طاول طاول = أبدا

* المعلاق أو الجلق = الغليظ
* خَلْء = عالم ( وتحكا بتتقيل ال ء عشر درجات )
و هيك بتصير غنية قديش كان في ناس عالمفرق تنطر ناس بتتغنى بالحلبي إشقد كان في خَلء.. عالعوجة تنطر خلْء....هههههههههههههه

* خيت وخَيْتو--------يعني أختي
* خاي وخيو---------يعني أخي
* أبويْ / يوب -------- أبي
* نانتي يعني جدتي
* يوم: معناها باللغة العربية و بكل اللهجات هو ال24 ساعة
بينما باللهجة الحلبية بتجي بمعنى ماما
ههههههههههههههههههههه

* سكرتون = خزانة ( وتحكى بتسكين الكاف وفح الراء )
* السلاتة = القشاطة ( حدا بيعرف كمان كلمة ؟ )
* السحابة = الدرج
* خولية = البشكير
* أردغان = هدية
* صمن = الخبز السمون
* جنق = صحن
*جمجاية = معلقة السكب
* فرتيكة = الشوكة
* الدءماءة = مدقة التوم !! ( مصطلح مهم جدا! )
* الدروبس = السكاكر أو البونبون ( تطور )

ومن أسماء الإشارة المشهورين نحن فيون :
* كوهنه----------للمذكر القريب
* كيهنه----------للمؤنث القريب
* كوهاك----------للمذكر البعيد
* كيهاك----------للمؤنث البعيد
* كوهاكيي-------لجمع المذكر البعيد
* كيهاكين-------لجمع المؤنث البعيد
* كوهنن--------لجمع المذكر القريب
* كيهنن--------لجمع المؤنث القريب
وطبعا للسهولة في اختصارات كمان:
* اختصار المذكر القريب .. كو
* اختصار المؤنث القريب .. كي
و من الاختصارات أيضا:
* تاااا بدل من تعال
* رووو بدل من روح
ما راي آجي بدل من ماني جاية
ومتل ما بيقولو
وين راي ، عالسراي
تا .... ما با تا

استنو ما خلصت اشبكن
* بروك = اجلس
* تشطح = تسطح ... ما تسألوني ليش !!!
* أبوس روحك = للمدح
* أبوس شنقات وجك بالشلمونة = للمدح البليغ ... و طبعا شنقات وجك يعني خدودك
* أبوش شناق وشك شنقة شنقة نفس الفوق
* يبلاك بقتلك = دعاء بالقتل
* إشْ ضاءلَّك = شو بدي قلك
* عجب = للدهشة
* كنّي = للاستفهام
* ديه بقا = للتأفف
* أَبَوْ = للتفاجؤ ... والله ما عرفت اقراها هي !!!
*عَلوّا ... أي يا حبذا
*عَوَّقِت ... يعني تأخرت (وبقلك المتل بحلب المتعوق حجتو معو )
* باتشاية ... غطاء الوتش _ الوجه )
* عجب . . أداة تعجب حلبيه المنشأ (عجب خيو محما را يجي اليوم ولا لا ؟ )
* >كنجفة و سكمبيل ... تنيناتن مرادف لورق الشدّة ( اثنانهما مرادفان لورق اللعب )
آط .... هي مرادف لكلمة طابق (يعني فلان ساكن بالطابق الخامس أو خامس )
* فَرْشْخَانِة......هي اللي بيلتم فيا الوسخ..(السفاية)
* خِطَّار .... يعني ضيوف
* باب السقاق.....يعني باب الدار
* جوجحانة ...... هي اللي بيلعبو فيها بالحديقة ( ما بعرف شو بالعربي ههههههههههه)
* عمنوّل ..... العام الماضي
* أول عمنوّل ...... العام قبل الماضي
* قرم ...... عتيق و كبير بالعمر
* ضنضرما ....... بوظة
> برّاكة ...... كشك - كولابا
* ونّاسة ..... نوّاسة
* ترانشكوت ........ مانطو (جاكيت
* فستوكة .... يقال عن بنت أنها فستوكة أي أنها لا تزال صغيرة
* سقسوقة .... سندويشة جبنة ( طيبببببببببببببببة )
* بتاتة .... بطاطا
* مقرمد ...... يقال عن الشيء اللي ملزق ويبسان عليه وسخ
* طنفسة ..... سداجة .. والمثل الشهير : متل طنفسة النديانة
شرح المثل : يقال عن الشخص المنيل عديم المروة ويتم تشبيهه بالسداجة
عندما تنغسل بالمي تصبح ثقيلة جداً .
*معنطز.... شايف حالو
* بشقة.... يعني شغلة كبيرة عظيمة
* سهسكة.... الضحك بصوت عالي
* بركي..... لعل
* معلاق.... تقال للشخص الغليظ
* طلع راس بعب ...... تقال اذا كانت الشغلة على القد تمام
* عالهس النس ....... يقال عن الشخص التحتاني (يعني اللي من تحت لتحت)
* عرقية ........ القبعة التي توضع على الرأس أثناء الصلاة
* طشم ..... بهيم
* مفجلق ....... قليل الحياء
* مشفتر ..... يعني قليل الأدب
* طابوية ...... سدادة القناني
* برطوش ...... حرف او حد ويكون مرتفع قليلا عن الارض
* مشطوط ..... مجلوق = اخذ وش = يتدخل في ما لا يعنيه بأريحية
* سفط ...... علبة
* جاتين ...... صعب أو مستحيل ( من أصل تركي)
* ما في جارة.........لا أمل (من أصل فارسي)
* مجقة ....... قبلة

وللدقة باللفظ يرجى لفظ ال ج = ادجه
و ال ش = اتشه

************
**********
********

منقول للفائدة

من طرف **نور القمر** الخميس يناير 29, 2009 3:51 am

يسلمووو زهووودة
يعطيك العافية والصحة يارب

تـــعـــلـــــم الــــحــــلـــــبـــيــــة

تـــعـــلـــــم الــــحــــلـــــبـــيــــة

رد: تـــعـــلـــــم الــــحــــلـــــبـــيــــة